Чужих кур не считай — сглазишь.

Нравится

Молитва о всякой семейной и бытовой нужде

Молитва святой блаженной Ксении Петербургской
   "О, препростая образом жития своего, бездомная на земли, наследнице же обителей Отца Небеснаго, блаженная страннице Ксение! Якоже прежде к надгробию твоему недужнии и скорбнии припадавший и абие утешениями исполняем, сие ныне и мы, обуреваемии тлетворными обстоянии, к тебе прибегающе, с надеждою просим: помолися, благая небошественнице, дабы исправилися стопы наша по словеси Господню к деланию заповедей Его, и да упразднится богоборнре безбожие, пленившее град твой и страну твою, привергающее нас, многогрешных, в смертное братоненавидение, гордое самовозбешение и хульное отчаяние.

   О, блаженнейшая Христа ради, посрамившая суемудррсть века сего, испроси у Творца и Подателя всяческих благ даровати нам смирения, кротости и любве в сокровище сердца нашего, веры в укрепление молитвы, надежды в покаянии, крепости в многотрудном житии, милосерднаго исцеления души и тела нашего, целомудрия в супружестве и благопопечения о ближних и искренних своих, всего жития нашего обновление в чистительней бане покаяния, якр да всехвально воспевающе память твою, прославим, в тебе чудодействующаго, Отца и Сына и Святаго Духа, Троицу Единосущную и Нераздельную во веки веков. Аминь".